周永恒告記者襲擊 健身缺庭畀官寸

歌手周永恒（Roy）早前因恐嚇妻子趙頌茹（Yu）被警方拘捕期間，疑被壹傳媒集團旗下雜誌《忽然1周》一名男記者在他寓所樓下襲擊，事後該記者被控一項襲擊引致造成身體傷害罪，案件昨日於屯門法院開審，但Roy未見蹤影。控方表示Roy要到北京上訓練課程而缺庭，裁判官聽後質問：「你個證人準備轉行呀？有法庭唔上，上健身課程？」又斥他自己都不着緊。控方補充傳票一直未能送達Roy，直至上月才能聯絡，裁判官將案件押後至下月16日再提訊，同時案件排期5月4日審訊。身在北京的Roy受訪時對裁判官的言論不作評論：「我今次係受害人，其實案發時有其他人在場，可以搵佢哋。當日Yu冇出庭都可以指證我啦！但如果佢哋真係需要我，下次會盡量安排。」而阿Yu則回應：「呢個人喺我生命入面已經告一段落，佢自己嘅嘢自己負責。」