蔡卓妍獲大阪亞洲電影節頒發「特別表揚獎」，昨晚電影公司舉行慶功宴，蔡卓妍在導演邱禮濤手上接過獎狀時開心不已，又指獲獎令她出戰金像獎的壓力減少，並承認近期接過不少劇本，希望接受不同挑戰。

阿Sa接過「特別表揚獎」，出戰金像獎冇壓力！

邱禮濤（右起）、阿Sa和任達華開香檳慶祝。

任達華獲老闆楊受成（左二）和台前幕後慶生。

蔡卓妍（阿Sa）、任達華和導演邱禮濤昨晚與英皇老闆楊受成出席英皇電影《雛妓》的慶功宴，阿Sa剛獲《第十屆大阪亞洲電影節》頒發等同影后殊榮的「特別表揚獎」，由於當日未有出席頒獎禮，導演邱禮濤在慶功宴上將獎狀交到她手上，阿Sa亦十分興奮。

電影邀請密密嚟

對於票房成績，阿Sa笑言比較貪心，希望可以再好一點：「始終都唔係一部商業電影，其實已喜出望外，係開心嘅！」問到會否對奪金像獎影后加強信心？她說：「反而冇咗壓力，近排的確經常畀愛的訊息嘈醒，收到好多朋友嘅鼓勵同恭喜訊息。（男友呢？）大家都有互相恭喜，今次（氣勢）幾好，希望可以Keep住。」至於是否多了電影邀請演出，她說：「一向有好多劇本睇緊，但近期係多咗不同類型同另類題材劇本，我希望有多啲發揮機會，都想挑戰自己。」

同老闆輪住請食飯

對於電影有好成績，問到會否希望原班演員再次合作，阿Sa指未收到公司任何消息，但認為可以點到即止。問到是次慶功宴是否由她埋單，阿Sa說：「係老闆埋單，冇理由我同老闆爭嘅！老闆請完再由任達華請，之後先到我請，拍電影最開心係成日有飯食。不過近期Twins嘅Project進行中，但我會請嘅。」而電影上映13日票房收約一千三百萬港元，席間導演邱禮濤點頭默認將與英皇電影合作新片。