羅嘉良、黃秋生和馮寶寶等都曾為亞視効力,馮寶寶哽咽表示得知消息後一直忍不住流淚,又指知道邱生逝世時邱太陪着他,才感到安慰。

馮寶寶

羅嘉良

黃秋生

馮寶寶

「我知道邱生離開嘅消息,我一路忍唔住淚水,我知道個個都終會有一次,不過當一個你欣賞嘅人、喜歡嘅老闆離去,佢就好似將你一部分嘅回憶勾起同帶走,引起咗好唔捨得嘅情緒。我第一個感覺係要打電話問候邱太,我做咗喇!我知道邱生離開時邱太陪住佢,我好安慰。我同佢屋企人都好好,跟過佢全家人去上海為佢義學剪綵。」

羅嘉良

「佢當年喺亞視,每年都賺錢,又每年都開大劇,好似《武則天》同《秦始皇》咁,係不可多得嘅好前輩。好多人以為我喺亞視唱嘅第一首主題曲係《秦始皇》,但其實係《雲海玉弓緣》。」

黃秋生

「好唏噓,佢嘅離開,係一個時代嘅終結。我當年喺亞視,佢啱啱接手,但我只係Small Potato,都冇乜機會接觸到佢,係當年佢新年派利是時見過佢。(傳佢派5蚊利是?)利是呢啲意頭啫!咁多員工,個個5蚊都好杰。(點睇外界批評佢太節儉?)人都離開咗,唔好咁講。你睇跟住接手嗰啲節唔節儉?節儉到冇糧出添呀!」