英國前天舉行紅鼻子日電視馬拉松搞笑籌款，著名物理學家霍金教授（Stephen Hawking）放笑彈，變形金剛上身扮嘢夠驚喜，而型男奧蘭度布林（Orlando Bloom）狼咀諧星大衞威廉斯（David Walliams），不惜為慈善獻出重口味之吻！

紅鼻子日慈善籌款活動是英國盛事，今年適逢30周年，一眾群星名人客串電視馬拉松籌款，放下嚴肅一面大騷爆笑演技！現年73歲德高望重的霍金教授原來演技了得，與諧星大衞威廉斯和Catherine Tate合演趣劇，坐輪椅的霍金不滿扮護士的大衞和扮修女的Catherine口水多過茶，阻住他上堂，在劍橋大學校園將輪椅變做變形金剛，狙擊並消滅兩人，再施施然繼續前往課室。

「佢係我女神」

兼任主持的大衞在另一環節中笑稱要打破健力士世界紀錄，挑戰30秒內被咀50次，女主持Davina McCall要求咀他但被拒，這時影星奧蘭度布林突然現身，出盡力熱吻大衞，觀眾睇到嘩嘩大叫，奧蘭度咀完後笑說：「大衞一直係我嘅女神！」遭抽水的大衞其後完成挑戰被咀55次。正趕拍新片的占士邦丹尼爾格力（DanieL Craig）殘樣現身，搞笑自稱是女仔聲，所以在電影裏要配音，而正在亞洲舉行巡唱會的男子組合One Direction（1D）亦錄影片段，介紹向他們致敬、由5名諧星扮嘢的爆笑組合No Direction出場表演。

戇豆玩喪禮捱轟

男星路雲艾堅遜（Rowan Atkinson）為善事再做「戇豆先生」（Mr.Bean），故事講他去錯喪禮，熱咀死者老婆又同棺材自拍，惹笑十足但被批評拿喪禮搞笑太冒犯。另外女星愛瑪沃森（Emma Watson）亦有份演趣劇。