「女神」吳若希（Jinny）與黃浩邦昨日出席《DSC德爾斯17周年「夢．賞大抽獎」@apm》活動，穿上短裙的她大騷42吋白滑長腿，惹來不少男粉絲「集郵」，適逢昨日是白色情人節，問到Jinny有否收到鮮花及禮物？她說：「冇呀，好Dry，一早就同阿Bob（林盛斌）拍嘢。」

Jinny已穿上短袖上衣及裙子，率先以Summer Look示人！

問到與「大隻仔」溫家偉及「大孖」周志文傳緋聞的她，有否收到表示？Jinny說：「冇喎，今晚（昨晚）同佢哋一齊出席慈善活動，我哋只係好好朋友。」又透露日前請風水師在家「擺陣」：「師傅問我想要咩，我話要多啲工作，上年佢幫我擺桃花陣，真係有好多桃花，仲話我26歲先遇到真命天子，31、32歲結婚，所以我唔急。」