黃翠如、前韓國組合G.O.D.成員安信源（Danny）和翟威廉等昨日現身中環石板街，為無綫及韓國電視台合作的新劇《7日羅曼史》拍外景，期間引來粉絲圍觀。來港十天的Danny大嘆沒有時間觀光及認識香港女孩，但他大讚翠如：「初時擔心溝通問題，好彩翠如性格開朗，好快Friend咗，合作之前都有Check過佢背景，知佢有男友。（親熱感覺點？）自己冇女友，翠如就緊張啲。」首次拍韓國製作，翠如稱見識到人家的一絲不苟：「啲演員好捱得，40幾個鐘冇瞓都得，唔食飯只食麵包充飢，真係紅得有道理。試過食佢哋嘅精神丸，第二日流鼻血。（拍得咁辛苦，男友蕭正楠有冇慰問？）有，每日打電話問情況。（同Danny拍咀戲？）到埗第一日就拍，好搞笑係拍時有個收音師喺中間，好似三個人拍咁。」

翠如與Danny一齊擺甫士合照，真係幾Friend喎！