傅嘉莉師妹蔡佩賢（Kitty）擁有32C驕人身材，樣子似足翻版黃芷晴及米雪的她坦言，希望在電影圈闖出一片天，但自言底線是性感但三點不露！曬得一身健康膚色的她表示，最愛與陽光玩遊戲，皆因可吸引客戶垂青拍廣告！

閒時愛做運動的Kitty練得一雙長腿，啱晒着比堅尼！

拍照時Keep住Chok樣的Kitty，笑起來和米雪真有幾分相似！

擁有深長事業線的Kitty不介意性感演出。

模特兒傅嘉莉師妹蔡佩賢（Kitty）樣子甜美，曬得一身健康膚色的她，擁有32C「Big」爆身材，外貌似足米雪及黃日華女兒黃芷晴的她，笑言對兩人的翻版稱呼已見怪不怪：「由細到大，身邊好多人都話我笑嗰陣似米雪，不過近期就多人話我似黃芷晴。但我自己就鍾意米雪多啲，佢係一個好好嘅學習目標，係一個好好嘅前輩。」

向傅嘉莉取經

時下少女都希望有幾白變幾白，不過Kitty卻大唱反調，她坦言最愛與陽光玩遊戲：「我夏天好鍾意玩水上活動，有時會特登去曬黑添！（唔驚曬黑？）唔驚呀！曬到咁健康，可能可以吸引到太陽油廣告商搵我拍廣告呢！」近年在影視圈發展不俗的傅嘉莉，十分成功，身為師妹的Kitty坦言閒時會向師姐請教：「同師姐唔係成日見面，但有時喺公司見佢，我會主動問佢意見，佢仲好有耐性教我嘢。」

演戲一試上癮

擁有模特兒經驗的她，近年亦有參演電影《喜愛夜蒲2》，雖然戲份不算多，但令Kitty對演戲產生興趣，並表示希望在影圈發展：「我本身份人其實都幾好動，都想做啲活潑嘅角色，健康性感我OK，但極限就係三點不露。（試吓做打女？）如果有機會我都想試吓，感覺打女好似刺激啲！」

Profile

姓名：蔡佩賢（Kitty）

年齡：27歲

三圍：32C、23、33

身高：1米62

入行經過：模特兒出身的蔡佩賢拍過不少平面廣告，近年拍過電影《喜愛夜蒲2》、《爛滾夫鬥爛滾妻》等。