吳君如昨日出席I.T旗下TSUMORI CHISATO 2015春夏時裝展,擔任嘉賓的她穿上品牌服裝,非常風騷,囡囡亦大讚漂亮。在電影《12金鴨》中飾演「Future哥」的君如笑言要「洗底」:「因為角色對家人有影響,依家要打扮得Lady啲,囡囡唔鍾意我成日都係黑白灰色衫,佢見到鮮色好興奮,但係我假假哋都係兩屆衣着得主。」又坦言打扮要更女性化,讓女性賀爾蒙散發更多。問到老公陳可辛是否習慣她的打扮?她說:「冇男人唔慣,個個男人都愛溫柔體貼,不過我唔識四餸一湯,但我出得廳堂。」

穿上長裙的君如在人前華麗轉身,散發不少女人味!