名模周汶錡(Kathy)昨日穿上五吋高跟鞋出席慈善籌款晚宴,佗B快將6個月的她表示肥了十磅,但不覺得辛苦:「因為BB好乖,冇乜唔舒服,反而係自己冇乜避忌,有踎低嗰啲,啲朋友同醫生都有叫我唔好再咁樣,之前個肚都有扯過吓。」她又透露日前照了超聲波:「BB好曳,又遮面又翹腳,所以仲未知道性別,不過男女都唔緊要啦!因為都係第一胎咋嘛!(會唔會再生?)都會,兩個就夠啦!」她又透露預產期是6月底、7月初,因為怕痛,故會選擇開刀生。由於現場地氈鋪得凹凸不平,Kathy期間不慎叉錯腳險仆倒,幸有驚無險,隨即拍拍心口定驚。

佗B快將6個月的Kathy穿上五吋高跟鞋出席活動,完全冇避忌!