昨日《好報》直擊林峯與女友吳千語孖住拖狗遊赤柱時，化身「BB戰士」保護女友，做保鏢、讀餐牌兼搶執狗屎！昨日吳千語大讚「搶金」的林峯夠體貼：「可能見多人喺度，佢要Man啲！」

吳千語對男友「搶金」行為有讚冇彈。

林峯到赤柱當日戴口罩及冷帽頸巾，抱恙都要照顧女友。

《好報》直擊林峯與吳千語拍拖放狗。

昨日新一期《好報》全程直擊林峯化身「BB戰士」與千語BB到赤柱拍拖，他當正女友是BB般照顧。據知千語BB因拍戲將離港三個月，愛「B」如命的林峯分秒必爭，包到冚明顯抱恙仍頂硬上，並全方位深入照顧BB，為免女友餓親，安頓她到茶座後，再買乳酪雪糕餵狗逗女友歡心。

「搶金」事敗清尿尿

餵狗後，林峯啟動「語音模式」朗讀餐牌讓千語BB邊聽邊揀。而當見到千語BB親自清理愛犬的便便時，林峯即肉緊地兩度出手「搶金」，欲代為清理，千語為免便便傳來傳去，即快手扔入垃圾桶。

「搶金」失敗，但林峯未有鬆懈，當愛犬尿尿時，他先着同行的友人拿水過來，同時輕聲叫千語稍移玉步，再彎腰親自用水沖走尿尿。

將分隔異地工作

昨日千語出席活動，承認將因工作與林峯相隔異地，因工作地點不同難以前往。問到林峯「搶金」一事，她笑說：「平時佢都有執，不過冇爭，可能當日見多人，佢要Man啲啩！」她續說未有結婚計劃，林峯亦未求婚：「唔會係呢兩年嘅事。」而她昨日接受本報電話訪問時也不忘大讚「搶金」的男友：「都係一般狗主嘅責任，而佢咁細心體貼，我都好欣賞！」