組合Super Girls的成員Cheronna在隊中予人的感覺最硬朗，看似男仔頭的她非常愛玩，最喜歡整古靈精怪樣逗人開心，叫她擺出幾個「騎呢樣」絕對冇難度，她說：「我比較最玩得放，覺得冇乜所謂，最緊要大家開心同笑就最好啦！」

個性爽朗的Cheronna最愛整「騎呢樣」。

喜歡整古做怪的Cheronna，並不擔心太玩得嚇怕追求者。

問到會否擔心太玩得嚇怕追求者？她爽快地說：「應該唔會，相信暗地裏有人鍾意我咁，哈哈！」其後她正經地說：「一出道根本就冇人當我係女神，畀人感覺癲癲得得，好爽同好玩得，我諗都有嚇親人，所以一直冇人追！」

Cheronna坦言身邊有不少男性朋友：「全部都同我癲！（男仔鍾意小鳥依人？）其實我都有呢一面，我唔會咁易騷出嚟。（驚畀人話姣？）係！我最唔鍾意！」