韓國女星宋慧喬在電影《一代宗師》中飾演梁朝偉的太太，日前與影后劉嘉玲出席巴黎時裝周，梁朝偉的「真假老婆」同場如王后出巡，宋慧喬更穿上連身短裙晒美腿，與最近人氣急升的狄高達莊遜同場互撼！

梁朝偉的「真假老婆」劉嘉玲（圖）與宋慧喬在巴黎同場「合作」，艷壓群芳！

宋慧喬

影后劉嘉玲近年踏足商界並長袖善舞，上至護膚品及時裝，下至家品及酒吧均打理得頭頭是道，難怪有意拓大生意版圖，前往巴黎洽談紅酒生意！嘉玲與穿連身短裙的「情敵」韓國女星宋慧喬，在巴黎時間3月6日亮相當地舉行的時裝騷，甫到場即成為中外傳媒的焦點，同場還有憑主演電影《格雷的五十道色戒》（Fifty Shades of Grey）而極速「升呢」獲邀出席的女星狄高達莊遜（Dakota Johnson），三人獲安排坐頭排睇騷，同場互撼！

洽談紅酒生意

嘉玲受訪時表示，每次到訪巴黎都心情大好，並透露會在當地逗留1星期及參觀法國酒莊：「我好鍾意飲紅酒，但唔會買個酒莊，如果見到好嘅紅酒會同佢哋傾特許經營。」近年投資時裝生意的她，被問到可會趁機在巴黎拓展商機？她即表示入股新品牌要講緣分。

睇好君如封后

再問到曾否與梁朝偉暢遊巴黎？她說：「有，好耐之前佢幫Yohji Yamamoto行騷時一齊嚟過，都好多年前！（再嚟度蜜月？）有需要但冇時間，佢就快又開戲。」她又透露元宵佳節在當地享用浪漫晚餐，可惜只能與偉仔透過電話視頻傳情。此外，問到金像獎可有影后心水人選？她說：「唔知有邊個入圍，淨係睇過（吳）君如套戲，加上私人感情，我會投佢一票。」