入圍爭金像影后的蔡卓妍前晚出席首映,獲監製杜汶澤及拍檔任達華睇好奪獎,搞到她有壓力,要做定心理輔導!

阿Sa於新片豁出去,誓向影后路進發。

楊受成夫婦(右起)、祖兒、秋生、鍾欣潼及張敬軒齊捧阿Sa場。

任達華與阿Sa戲內戲外皆有火花。

杜汶澤獲老婆田蕊妮撐場即風騷滿場飛。

前晚蔡卓妍(阿Sa)、任達華及監製杜汶澤聯同英皇集團主席楊受成博士出席英皇電影《雛妓》首映禮,天后容祖兒、黃秋生、張敬軒、鍾欣潼及鍾舒漫等英皇藝人亦有到場,卻未見吳浩康。

遇勁敵怕失望

阿Sa透露母親有到場支持,笑言希望母親看完激情演出後不要研究劇情。問到會否擔心男友陳偉霆介意?她說:「佢嗰啲咪仲勁,我睇佢都唔會尷尬啦!」她指電影口碑不俗,故不太擔心票房。對於杜汶澤有意開拍以種族歧視為題材的新片及再找她演出,她亦表示「有興趣」。對於憑《雛》片角逐金像獎影后,阿Sa說:「個個對手都很厲害,欣賞過佢哋嘅作品,入得圍都犀利,雖然好想拎獎但唔敢諗,怕失望,到宣布唔係自己,嗰場戲好難演,事先要做好心理輔導!」

杜汶澤唔「盲撐」

男主角任達華亦大讚阿Sa演出精彩:「我都好,應該發掘多啲演員為香港同世界拍多啲好戲,阿Sa以前嘻嘻哈哈,呢次就一百分!(撐佢拎影后?)我已經投咗最強勁一票畀佢,我同佢講:『我有畀你(咩)!』(戲中對白)」

至於監製杜汶澤亦睇好阿Sa封后:「佢係最好嘅,其他嗰啲我一部都未睇,但我唔係盲撐,聽講趙薇都好好,但金像獎太中國化,太多內地演員對香港演員唔公平。」一眾英皇藝人於首映後到夜店出席After Party,並為老闆楊受成慶祝生日,玩得盡興!