劉導昨日召開記者會並發聲明，第二點是「我們受夠了」，他指起初眾人對角色有商有量，其後外間指齊昕家人嫌劉導曾拍三級片，劉導即「爆Seed」指太偏見，自言曾與甄子丹及古天樂等合作，更將曾演三級片的任達華（華哥）及黃秋生拖落水：「任達華套《雛妓》都係三級片，李安、杜琪峯都拍過三級片，唔通都好Cheap？梁小姐同秋生係好朋友，秋生攞影帝就係拍三級片（《人肉叉燒包》），片中佢仲用筷子插女人下體，《伊波拉病毒》又姦屍又用舊肥豬肉洩慾，咁係咪要齊昕同秋生絕交？」

華哥新片《雛妓》備受關注，不料被劉導拖埋落水。

對於被牽連事件，華哥昨晚接受電話訪問時平靜地說：「快啲解決件事啦！希望大家和平啲，呢個社會人人有言論自由，同樣人哋唔想拍嘅話都冇得逼。」秋生則拒絕回應。