性感女星趙碩之（Wylie）昨日在微博自爆下廚整雞髀的瘀事，寓所更差點失火：「為了雞腿，我差點把家燒了，好大煙！」只見Wylie將雞髀連膠袋放落煲，結果煲熏至焦黑，不堪入目。記者致電Wylie，她表示因掛住玩狗而忘記熄火：「我諗住食雞髀，就喺便利店買咗隻連膠袋包裝嘅雞髀返嚟整，我已跟足指示連膠袋放落煲度加熱水一齊蒸，點知行開之後掛住玩狗，唔記得熄火！」

趙碩之將雞髀連膠袋放落煲，結果熏至焦黑。

玩狗時她聞到大陣燶味，大懵的她更以為隔籬屋火燭：「開頭以為隔籬屋煲燶嘢，幾驚火燭，後來發現原來係自己唔記得熄火，一入到廚房煙霧瀰漫，膠袋已經燶晒，個煲乾晒水同一片焦黑，幾驚呀！我咪立即倒水降溫囉，最後連個煲都丟埋！」