容祖兒繼早前被發現與男友劉浩龍（師兄）孖住遊日本之後，又自爆孖實師兄拍拖睇《12金鴨》，提到於戲內叫笑茜時更表示非常受落！祖兒又大讚與克勤一拍即合，11年的火花從未熄滅，有意齊齊化身為「勤力祖」，開演唱會娛樂大家！

祖兒與克勤一拍即合開騷，但為演唱會命名而頭痛。

克勤

洪卓立（左起）、容祖兒和林欣彤齊齊出席記者會。

倫永亮和陳潔靈拒絕透露神秘嘉賓身份。

容祖兒、倫永亮、陳潔靈、洪卓立、林欣彤、AGA和RubberBand等，出席《暗中作樂2015》記者會。

樂壇天后容祖兒、倫永亮、陳潔靈、洪卓立、林欣彤、AGA、RubberBand和Mr.等，昨日出席《暗中作樂2015》記者會，陣容鼎盛！接受訪問時，祖兒被問到為何起初有意跟李克勤開演唱會，她笑言與對方早在11年前做拉闊音樂會時合作，而且觀眾亦很受落：「講咗十幾年未成事，依家係時候要做吓啲Crossover，我哋又一拍即合，火花未熄滅！」

拍拖睇戲

近日為演唱會名而頭痛的祖兒透露，收集了幾個有趣搞笑名：「『反克祖』、『勤力祖』幾好，好似組合名！」未來一段日子，她都會跟克勤開會研究選曲，並會再度推出合唱歌，並表示今次合作是個大突破。

談到有份參演的電影《12金鴨》票房破二千萬元，祖兒立刻大笑說：「終於打破咗我嘅宿命！尋晚先同男友去睇，辛苦佢睇咗咁多次。」祖兒於電影的角色叫梁李笑茜，她表示受落：「OK喎！易入腦又順口，依家大家都咁叫我！」

讚Sa震撼

問到好姊妹蔡卓妍主演的《雛妓》，祖兒表示睇好對方：「都希望佢有更好嘅成績，其實對佢同我哋嚟講已經好震撼，結果係點都冇所謂，相信會有更好嘅電影會搵佢演。」

另外，問到同場的倫永亮最近可有跟林憶蓮聯絡時，他透露去年12月初有見面，但對方很忙。提到憶蓮女兒於社交網站的相片被網友大讚好身材，倫永亮則說：「冇佢Facebook所以唔知，但一年前有個李小華嘅人Add我，以為係佢個女，問番憶蓮，佢話佢個女點會叫李小華！」