剛再度榮升媽咪的陳茵（Aimee）大前日順產誕下幼子Nathan Lucas，重6.13磅，她昨日跟老公陳豪十指緊扣會傳媒，更大爆細仔似老竇：「好英俊、好Man！」

Aimee有老公陳豪拖實出院，非常溫馨！

陳豪與Aimee咀嘴，果然愛錫老婆。

Aimee用絲巾將囝囝包到實，跟隨老公回家。

陳茵媺（Aimee）與陳豪昨日於嘉諾撒醫院舉行記者會，宣布大前日（26日）「全自然」誕下幼子，重6.13磅。夫婦倆又大放閃光彈，在半百傳媒前十指緊扣兼咀嘴。「愛妻號」陳豪全程扶到實，又搬櫈讓老婆坐定定做訪問，可謂錫到「My Queen」燶！再度榮升媽咪的Aimee，依然面尖尖、手腳纖幼，她指今次分娩過程比第一胎更痛、更辛苦，幸上午作動入院五小時便順產。

先休息再造人

Aimee透露細仔英文名為Nathan Lucas，中文名則暫時未改：「Nathan代表上天賜嘅禮物，Lucas就代表發光發熱、天上嘅星星。（似邊個？）似爸爸多啲，細佬好英俊、好man！」陳豪亦笑說：「又係個靚仔！」他表示會讓太太先作休息，之後才進行「造人」大計，他說：「如果上天賜冇理由唔要，多啲嚟密啲手，咪畀心機做嘢囉。」自言喜歡拍劇的Aimee則盼拍戲與湊仔可作平衡，而她居於多倫多的父母，下周將返港見孫仔。

晒囝囝萌樣

下午二時許，手抱BB的Aimee將囝囝用絲巾包到實，在陳豪及其胞兄開路下登上七人車離去。其後，她在微博上載「Second Prince」的照片，熟睡中的Nathan Lucas鼻高高，萌到爆！