成龍自言現時已不像昔日「苛刻」：「以前我堅持唔同個仔合作，依家冇所謂，韋史密夫都可以停工半年幫個仔，我都取消堅持，佢話想參與《十二生肖》續集劇本，啱嘅就做！佢長大咗，我安心！我想訓練佢做導演同幕後，佢有天分咪嘥！當日（祖名被捕）我仲以為係綁架、撕票，後尾反而放心，事發後我不斷諗點解要發生喺我身上？我聯絡唔到佢，亦冇搵人幫手，因為我唔知點講！（有律師朋友幫你？）佢哋開解我啫，我相信司法公正，冇幫個仔做任何嘢，如果有做，對我同個仔都有麻煩，依家還咗我清白。我依家已經無求，仔好，老婆開心，人生順利，再有要求就被雷劈啦！」

成龍笑稱現時「仔好，老婆開心」，已無欲無求。