歌手許靖韻（Angela）早前難得有假期，便飛到香港人視為度假天堂的泰國旅行，暢遊曼谷及清邁，Angela說：「曼谷就主攻行街買嘢同食嘢啦！而清邁係第一次去，好多人都讚清邁好靚，所以，其中三日就落咗清邁玩。」Angela在清邁選坐了熱氣球：「開頭都驚驚哋，但去到見啲風景咁靚，又冇理由唔坐！見到係外國人負責駕駛個熱氣球，整體感覺都好安全，所以，最終就膽粗粗上咗去，俯瞰田園景色，真係幾靚。」

Angela行夜市喪買兼喪食，見到大魚更開心得口擘擘。

Angela早前到泰國旅行，暢遊曼谷及清邁兩地。

Angela坐熱氣球俯瞰田園景色。

行夜市亦是Angela重點之一，單是清邁便行了兩個夜市，令她瘋狂購物兼喪食：「我唔太食得辣，但可能旅行胃口都唔同啲，佢哋嗰種辣我就接受得到，好似生蝦、冬蔭功、海南雞、細細碗嘅湯粉，個胃好忙，一個胃真係唔夠應付。」而其中在一個夜市舉行了一個泡泡節演唱會，場內噴出很多肥皂泡又有人玩水槍，見到很多女子都穿上比堅尼和熱褲，邊聽歌邊玩，令她最難忘。