無綫主播莫家淦（Keith）近年做太陽眼鏡生意做出成績，去年贏得青年創業大獎，成為「黑超達人」！熱愛戴超的好友陸浩明（六號）及黃煦齡（Natalie）早前上門向Keith取經，三人愈講愈興奮，齊齊戴上黑超擺Chok甫！

Natalie戴上海洋系列圓形黑超，框色恍如海洋貝殼，最啱夏日出海；陸浩明戴上鮮紅框眼鏡，鮮色鏡片適合配襯彩色造型；Keith的方形玳瑁色黑超，簡約易襯，男女皆宜。

容祖兒

譚詠麟（左）

郭富城

任達華（右）

Keith（中）戴上「貓眼」系列黑超，框架有閃粉；陸浩明的方形框黑超適合任何面形人士；Natalie的金臂黑超配襯粉紅色鏡片，女士至愛。

Natalie頭上的是鈦金屬黑超，優點是輕身、圓形框，系列有黃、粉紅、紫、藍及黑色，深得大批女士追捧。

陸浩明所戴的膠框配金屬臂系列是最受歡迎系列之一，兩種配搭令平實中帶出高貴，水銀鏡片亦是潮物。

莫家淦（左）與拍檔黃俊輝搞眼鏡生意，去年贏得青年創業大獎。

周秀娜

張家瑩

陳敏之

莫家淦與圈外好友黃俊輝於2011年創辦香港眼鏡品牌HACHill（哈超），生意愈做愈掂，更獲天王郭富城、天后容祖兒、樂壇校長譚詠麟、影帝任達華及視后楊怡等支持做生招牌！早前陸浩明及黃煦齡上門與Keith傾眼鏡經，研究最時興及最啱戴的太陽眼鏡，三人平日做開主持，但試戴不同款式的黑超時即Model上身，鬥型鬥Chok！

六號：與眼鏡共存亡

自認與眼鏡「共存亡」的六號透露，家中有廿多款太陽眼鏡及廿多款平光眼鏡，他表示曾有段時間想轉戴隱形眼鏡，但未能如願：「可能我眼太細，好難戴得入，戴到好敏感，覺得痕同流眼水，至於做激光又未夠膽，心理關口過唔到。」於是六號疊埋心水做四眼仔，黑超亦大多有近視度數，並對款式及物料愈來愈講究，他大讚Keith的眼鏡品牌：「好多流行品牌都係外國嘅，但未必適合我哋面形同鼻形，所以Keith呢個專為亞洲人而設嘅眼鏡有得做！（同佢Crossover？）好呀！我做設計，之後交畀佢生產吖！」

Natalie：可襯衫遮素顏

至於Natalie表示經常倚賴黑超，除了可防紫外光，亦可襯衫及遮素顏，Keith說：「好多人覺得戴黑超係扮型，其實唔一定，因為面對強烈紫外光，好易有眼疾同青光眼，黑超係有保護功能！」Natalie即自爆其雙眼有齊遠視、近視及散光，因此要格外保護，問到最愛黑超款式，她說：「鍾意夏日Feel，光鮮啲嘅，望落去精神啲，冇化妝都好Sharp咁！」Keith大讚Natalie臉蛋細又面尖，很容易揀到啱戴的眼鏡，他又表示近年興起水銀鏡片及迷彩鏡框，不少潮男潮女都愛選購較浮誇款式。

贏得青年創業大獎

Keith的黑超生意愈搞愈旺，去年更在大角咀租用三千呎單位開分店，難怪他多了個花名「莫董」！Keith甚具野心，望成為商界達人，他透露個人花了六位數字投資，但生意非一帆風順，因需要大量資金周轉，有段時間戶口只得雙位數，幸得家人及太太支持，他說：「太太同我心態一樣，覺得趁年輕應該博啲！咁我哋會寓工作於拍拖，一齊開工。」

品牌每年營業額高達八位數，去年更贏得青年創業大獎，非常威水！Keith說：「我哋策略係推出定價千幾蚊嘅產品，只係名牌貨嘅三分一，希望普通人都戴得起，目標打造到香港人引以為傲嘅眼鏡品牌。」

演而優則商

莫家淦同時兼顧做娛樂主播及眼鏡生意，不少藝人同樣「演而優則商」，而且野心甚大，希望在個別範疇獨當一面！

周秀娜

性感女神周秀娜投資內衣生意，以自己32D無敵身材做生招牌，除有內地投資者合夥外，更有指獲得美國金主注資五千萬元，成為「內衣女王」指日可待！

張家瑩

前亞姐冠軍張家瑩甚有家底，去年與家人及好友豪花約千萬元在銅鑼灣開設日式及泰式餐廳，首次做老闆的家瑩甚有抱負，希望在飲食界創一番事業。

陳敏之

索腿天后陳敏之去年在天后開設曲奇餅店，她與幾位股東合資七位數，計劃今年在九龍開分店，打造香港人的曲奇手信。