賣甩男友陳偉霆、與姊妹鍾欣潼出國度歲的蔡卓妍，昨午與助手現身中環等車。雖然阿Sa剛去完馬爾代夫度假，但皮膚仍然白滑，原來她密密搽防曬，似乎要保住靚樣會男友！

阿Sa返港後皮膚依然白滑，未見曬黑。

曾預告新春會撇甩男友陳偉霆，孖實好姊妹鍾欣潼（阿嬌）到馬爾代夫度假的蔡卓妍（阿Sa），昨午四時左右，以一身紅噹噹上衣現身中環。戴黑超及帽的阿Sa雖然已返港，但竟然未有急住見男友，反而在助手陪同下，於商場門外等車。

唔知Deep當街啜女

剛享受完陽光與海灘的她，皮膚依舊白滑，問到是否做好防曬措施？她說：「係呀，我怕曬黑，所以每隔五分鐘就噴一次防曬。」似要以最佳狀態見男友！

對於吳浩康（Deep）前日被爆背女友鍾舒漫（Sherman）當街啜女，阿Sa坦言不知情：「吓？有啲咁嘅事？我唔知呢單新聞，等我關心吓先！」

Sherman愛細水長流

人在香港的阿Sa昨日繼續在微博大晒與阿嬌的靚相，更大呻捨不得當地的靚景！此外，與Deep關係未見明朗的Sherman，昨日在Instagram憑歌寄意，藉分享美國歌手Karina Pasian的歌曲《Slow Motion》，道出渴望細水長流的愛情。