黃宗澤、名模莊思敏、「警鐘模」Jessica C（JC）及男友安志杰（Andy）等昨晚一同出席豪華汽車品牌Infiniti Q70的新車發布會，首次情侶檔出席活動的JC和Andy全程甜蜜恩愛，JC穿上開胸裙散發性感，問Andy會否不批准？他笑說：「唔會，其實我都鍾意睇！」又透露新春跟女友在家玩煮飯仔，問到誰的廚藝較好？他說：「我好過佢，不過我屋企廚房細，唔鍾意逼埋一齊，所以唔使佢入廚房。（同居？）唔係，不過一星期有五日一齊住。（結婚對象？）應該係，大家性格好夾，佢人好好。（今年結？）唔知。（佢係好老婆？）梗係啦！」JC亦冧讚男友很好、很Hot和Sexy。而黃宗澤則透露新年放假陪家人，但很不自在：「好似攞嚟賤咁，我放咗成十日假，日日好似冇嘢做，自己餐廳又收爐，瞓覺瞓到中午又覺得好頹廢。（冇拖拍更覺空虛？）成日搵人食飯囉！（快啲拍拖？）有冇介紹？」

有男友拖到實，JC再性感都唔怕啦！

黃宗澤放假反而覺得悶。