身家逾６億元的古天樂近年除拍戲搵銀外，又投資電影及房地產，識飲識食的他更撈過界，最近斥千萬元入股飲食業做老闆，並落手落腳打理生意，前晚便親自招呼謝天華及唐詩詠等好友，出心又出力！

落力拓展吸金版圖的古仔親自招呼好友，可謂「力不到不為財」！

眾人離開時情緒高漲，天華更變身「紅面關公」。

唐詩詠

片酬逾千萬元的古仔財來自有方，44歲的他被捧為圈中超級筍盤，最近更進運飲食業，去年底以千萬元收購位於銅鑼灣摩頓台的中式食肆名廚，常不在港的他入股後繼續由原班人馬負責，其拍檔包括飲食界響噹噹的紅人Ling姐，獲不少政商界人士捧場。

天華面都紅埋

成為餐廳幕後老闆後，古仔每逢在港都會廣邀好友試菜，並親自招呼，敍舊之餘更可搜集各方意見，努力改良菜式，圈中好友佘詩曼、吳君如及陳可辛一家、黃秋生、蔡一智夫婦等都曾幫襯並讚口不絕，口碑更一傳十，令餐廳火速旺爆！前晚古仔相約天華到資深電影人、有大佬B之稱的吳志雄家拜年，晚上再約唐詩詠拉大隊品嘗其餐廳美食，至九時許眾人離開，飲到面紅紅的天華被問到是否飲了很多，他說：「恭喜發財！」隨即登車離開。而唐詩詠被問到緋聞男友洪永城為何沒有前來時笑而不語。古仔則在Ling姐陪同下送各人上車，再折返餐廳打理事務。

詩詠又食又拎

事後天華接受電話訪問時指純粹食飯傾偈，問到面紅紅，他說：「飲酒梗係咁啦！（古仔、志雄哥有冇派利是畀囝囝？）有，冇我仲放過佢哋？」問到會否與古仔合資搞生意，他說：「唔會啦！學都學吓佢點解食極唔肥。」至於唐詩詠包走不少美食，未知是否給洪永城品嘗，洪永城對此說：「冇呀！我病咗喺屋企休息。（過年冇拍拖？）冇！」而獲古仔及天華「送上門」拜年的志雄哥亦於微博晒靚相！