樂壇校長譚詠麟於紅館舉行共13場入行40周年演唱會，前晚第11場請來「Chok王」謝霆鋒擔任嘉賓，霆鋒專程從北京回港，謝賢及狄波拉亦有前來捧場。

霆鋒（右）着黑皮褸Chok爆登場，與阿倫合唱《再見亦是淚》。

謝賢及狄波拉特別捧兒子場。

穿黑皮褸的霆鋒型爆出場，難怪阿倫以「型足三代」來介紹他：「呢位型仔，由佢爹哋到佢，到佢個仔將來都係咁型。」其後二人合唱《再見亦是淚》，阿倫表示嘉賓來唱的歌都是由他揀，但霆鋒唱的歌是自己揀，並抵死地問他挑選《愛的逃兵》是否有特別意思，令霆鋒尷尬大叫：「咩呀！」