李嘉欣昨日穿上喜慶的紅裙出席時代廣場《金龍醒獅賀新歲》活動，一身紅噹噹的她即場點睛及簪花掛紅。嘉欣表示農曆新年跟囝囝留港度歲，並一起包餃子和封利是，順道教他拜年禮儀：「我教佢要講恭喜說話，唔可以問人攞利是，要雙手接利是，然後雙手畀番我，唔使畀Daddy，因為我會幫佢儲起。」提到新年願望，她希望身體健康、一團和氣。問到會否想追個女？她說：「睇天意啦！（隨時Ready？）今日嚟呢度沾吓旺氣，睇吓上天啦！」並透露老公許晉亨今日人日生日，會一家人吃飯慶祝，而她亦準備了禮物。問到過年有沒有入馬場捧愛駒場？她說：「冇呀！其實我都唔多入，每次入去啲人見到我就會落飛，數字就上升，有無形壓力！」

嘉欣以一身紅噹噹的打扮出席新春活動。