踏入羊年，任達華繼續片約亨通，他透露手頭上已有4部待拍電影，更落實於7月遠赴法國拍一部法國電影。談到新年願望，他說：「梗係想阿Sa（蔡卓妍）憑《雛妓》攞影后啦！對佢有信心，雖然我呢位長腿叔叔大家唔係好欣賞，暫時冇乜提名，但會陪佢行金像獎紅地氈，時間許可嘅話會去埋福岡影展撐佢場。今次證明英皇係間好公司，大家無分彼此去完成一件事。」

年終無休的華哥祝願大家新一年身體健康。

華哥趁農曆年與妻女飛往澳洲及泰國玩，預計下月初才結束假期：「要做番個負責任嘅爸爸，上年只顧開工，係時候氹吓囡囡喇！」