名模馬詩慧（Janet）與丈夫王敏德帶一對仔女食團年飯，她透露每年食團年飯都會揀有意頭的菜式，如羅漢福滿袋及七彩燕窩鮑魚撈起等。談到新年大計，王敏德表示時裝店將大事擴張，還會在內地投資千萬開舖！問到會否幫老公打理生意，Janet說：「佢都冇叫我，如果大家一齊做嘢，唔一定合得嚟，唔好以為小朋友大咗，某程度都要照顧佢哋。」

Janet與老公帶埋一對仔女食團年飯。

一家人咁開心，Janet甜到同老公「分享」美食。

而大女王曼喜透露正籌備網店生意，暑假正式運作：「主要做時裝，會以公平貿易方式做，雖然令成本高咗，但希望帶出關注人權、公平同及環保等問題。」Janet表示支持：「我精神上支持佢！（金錢上支持？）佢未問我攞錢，哈哈！」曼喜即說：「我希望家人為我感到驕傲，做啲實質嘅嘢幫助別人。」