吳鎮宇最近於電影《衝上雲霄》與「Sam哥」一角再續前緣，其經典飛機頭造型當然不可缺少，鎮宇日前受訪時笑言該造型亦有分層次：「着制服嗰時就行啲，普通嗰陣，飛機角度就要低番啲，自己真係吹唔到，開拍前要TVB派專人嚟試吹，吹唔番就等於零。（要吹幾耐？）一路化妝一路吹都半個鐘以上，試過有次落雨都唔塌，可能計算過風阻啩！」

吳鎮宇於電影《衝上雲霄》中繼續Chok爆，他笑言其經典飛機頭有分層次。

雖然於電視版中與張智霖不時鬥Chok，但鎮宇表示電影版中，基於工作範疇不同，故一場對手戲也沒有，唯一不變的是他比電視版更Chok：「可能考唔到空軍，咪要揸私人飛機！我都幾想揸，雖然有直升機牌，但『私照』唔可以載人！（搭飛機有咩得意嘢？）不斷同機師、空姐合照，但要等佢哋做晒嘢入艙影，結果坐頭等變咗好似經濟客位咁落機。」