今日農曆年三十，now TV將破天荒通宵播放由著名玄學家李居明編撰的粵劇《海瑞鬥嚴嵩》，題本以明朝嘉靖年間的歷史作背景，演出的班底強勁。李大師指出選在深夜播劇，是有另一個深層意義：「根據中國傳統，年三十晚子女要夜啲瞓，目的可以替父母延壽，所以睇劇最適合。」

李居明表示新劇安排在年三十晚播出有雙重意義。

粵劇《海瑞鬥嚴嵩》的演出陣容強勁。

每年農曆年三十晚，大家不外乎跟家人食團年飯，然後到黃大仙上頭炷香，年輕一輩則去年宵市場行大運，目的同樣是祈求新一年工作順利，家宅平安。今年李居明師傅便給大家多一個選擇，由他編撰的新派粵劇《海瑞鬥嚴嵩》將安排於今晚深夜12時半在nowTV 100台播映。

今次破天荒在深夜時段播放新劇，李師傅表示有雙重意義：「每逢農曆年三十晚，大家都會去上頭炷香或行花市，除咗想攞個意頭外，其實根據中國傳統，仔女當晚應該要夜啲瞓，目的係為父母祈壽，希望佢哋身體健康。」李師傅笑稱劇長4小時，足夠與家人歡度一整晚。

向任姐致敬

另一意義是《海》劇源自大紅袍劇本，出身自戲迷世家的李師傅說：「大紅袍係任劍輝嘅成名作之一，可惜近年套劇上半部失傳咗，於是我花咗好多時間重新將失落嘅片段還原，希望可以借機會向任姐致敬。」同時李師傅更邀得西樂的Joe Junior出任其中一個角色：「Joe飾演外國神父，本來係需要佢唱粵曲，但佢自認門外漢，於是就特別寫段西樂畀佢，算係新嘗試，畀觀眾一個新鮮感。」

《海瑞鬥嚴嵩》

主演：吳仟峰、王超群、陳鴻進

播映頻道：now香港台（100台）

播映日期及時間：2015年2月18日晚上12時30分、2015年2月19日早上9時重播