新婚的王祖藍與李亞男昨日精神奕奕出席節目宣傳活動，祖藍直言婚禮過程令他感動到喊不停，就連出席活動前化妝亦情不自禁地落淚，哭出一公升眼淚！

娶得嬌妻的王祖藍拖實亞男現身，So Sweet！

新婚的王祖藍（中）大讚曾志偉似足爸爸。

王祖藍在百忙中抽空為老婆寫詞，冧死人啦！

李亞男（左起）、王祖藍、葉佩雯及郭偉亮宣傳節目。

新婚夫婦王祖藍及李亞男昨日出席無綫節目《蜜月到訪》宣傳活動，李亞男將王祖藍直呼做「祖藍」，祖藍即時糾正：「咩呀！老公呀！」祖藍透露婚禮過程感動，令他開心到喊不停，更流出「一公升的眼淚」：「今日化妝都仲流緊眼淚，最令我感動嘅係曾志偉同我個餅印阿妹！」

曾志偉似足「阿爸」

祖藍指從未叫過曾志偉做阿爸，但台慶當晚對方邀得外父、外母及媽咪到場，他頓覺志偉似足爸爸！今日將返上海與家人吃飯的她透露，稍後會再去度蜜月。問到有否計劃生小朋友？亞男說：「多啲習慣二人世界先，突然之間有三個人喺度，可能唔係咁適應！」

葉佩雯喊到變豬頭

同場的音樂人郭偉亮（Eric）與太太葉佩雯則透露被「藍男」的婚禮感動到落淚收場，葉佩雯笑言後悔未有補妝上鏡接受電視台訪問，令她看似一個豬頭：「令我諗起當日老公喺紅館求婚一幕，Eric接吻時伸脷都被佢嚇親！」

現場播出他倆在節目中的精華片段，只見片中的Eric自爆曾出手摑葉佩雯，他說：「初認識時佢情緒好唔穩定，成日鬧交、掟嘢，係好鬼失控！」另外，王祖藍亦發放了其婚禮花絮及結婚照，婚照中的他扮凌空懸浮，不失搞笑本色！