陳凱琳（Grace）、姚子羚、劉佩玥及何雁詩等昨日到商場宣傳劇集《四個女仔三個BAR》，與粉絲大玩遊戲。談及新年願望，Grace說：「拍劇拍上癮，新年願望係多啲開劇，都想Focus（集中）啲。（好似蔡思貝咁上堂學戲？）最近同鄭嘉穎合作，佢教我喺片場留意人哋嘅演技，同埋睇多啲電影，我覺得每個人嘅吸收方法唔同。」她又表示在一眾前輩中，最想與田蕊妮合作：「係人都話佢嘅演出好有Soul（靈魂）。」

劉佩玥（左起）、陳凱琳、何雁詩及陳瀅大送飛吻冧粉絲。

姚子羚

此外，子羚透露農曆新年會在工作中度過，室友兼閨蜜龔嘉欣則買了一棵桃花放在家中：「大家都想行吓桃花運，佢不嬲有人追，應該會快過我。（恨拍拖？）我都唔細，想搵如意郎君，但冇人幫我牽紅線。情人節嗰日我講笑話Join埋杏兒，佢話唔好啦！（想要邊類男仔？）有責任心囉！但我份人都係感覺行先。」