歌手劉浩龍（師兄）昨日接受電台訪問，談到剛過去的情人節，他冧爆女友容祖兒為他親自下廚：「佢煮咗龍蝦意粉同南瓜沙律，真係要讚吓，佢好叻呀，有住家飯食真係正！（你準備咗啲乜？）我準備咗食，仲有小禮物嘅。」師兄更大讚祖兒廚藝愈來愈掂：「我覺得有心機就會整得好，佢都幾有心機。（幾時煮番畀佢食呀？）我有呀！我仲OK啲。」師兄透露新年會跟祖兒互到對方家拜年，問到可有被催婚？他說：「大家都擺晒心機喺我事業上，我都希望盡衝！」而最近工作忙碌的他表示享受忙碌：「幾正！好耐冇試過忙到咁，但我做得好Happy！」

祖兒不時上載下廚照，極有賢妻良母Feel！（資料圖片）

師兄甜蜜透露情人節大歎祖兒的愛心大餐。