無綫藝人張振朗早前與好友到日本旅遊六日，住民宿慳錢的他自言要將彈藥放在Shopping之上，他坦言很久沒有享受過瘋狂購物的樂趣：「起碼兩三年，對自己好啲所以買多啲衫！出Function都有衫可以着吓！」

「翻版Chilam」張振朗喺日本Chok住擺甫，最型係你啦！

張振朗每日都大擦日本美食，食到停唔到口。

首次挑戰滑雪的張振朗雖然搞到周身傷，但仍不忘留影。

他又大讚日本街頭上的人亦非常有型有款，故專誠偷師改變形象：「買咗好多二手衫，嗰邊嘅二手衫佢哋Keep得好新淨，所以覺得特別抵！」並自爆連掃了三件皮褸。

他又表示日本美食多籮籮，每日亦要大快朵頤密密食：「求其入一間壽司舖都好食到停唔到口！我仲誇張到連續三日去同一間舖食，因為啲壽司同香港好唔同，啲魚好新鮮！」他又指日式餃子是畫龍點睛：「原來日本嘅餃子係特別好食，隻味真係唔識點形容，真係會不斷咁想食！」

日本之旅他最難忘是滑雪，首次滑雪的他自以為有滑水底子，挑戰滑雪板會零難度：「點知炒到飛起，大大話話都跌咗廿幾次！個山坡又太斜，速度好難控制，搞到周身傷，仲痛到以為跌斷腳添！」最後他認輸坐着滑雪板滑落山，認真失威！