天堂鳥整Cupcake耍冧

近期發展得愈來愈好的天堂鳥唱得又跳得，大眾逐漸對他們初出道的仔形象改觀。他們專誠整Cupcake賀情人節，整得有板有眼的三人除出招冧女Fans外，更大爆其他追女絕招！

（左起）Lincoln、 Tyrese、 Gordon
天堂鳥趁着情人節相約整Cupcake，向女粉絲耍「冧」。

Lincoln曾以個多月時間畫畫示愛，聽到都冧死女！

三子老友鬼鬼，更捉弄對方互塞食Cupcake！

喺呢個「相機食先」嘅年代，天堂鳥都把握機會影低製成品擺上網。

首先要將焗爐預熱至攝氏177度。

將牛油及糖打至軟滑，其後加入雞蛋漿及雲呢拿香油拌勻。

中筋麵粉、發粉及鹽放於另一隻大碗拌勻，將牛奶加進牛油加以混合，並攪拌成粉漿。

儲落唔少歌的天堂鳥揚言，每首歌對他們而言都有重大意義。

在洋溢着浪漫氣氛的情人節，天堂鳥專誠到Cupcake店學整Cupcake，他們表示早前曾親手整Cupcake給女Fans，巧花心思，幸福滿瀉！

成員Tyrese更自稱整餅高手：「我試過整海綿蛋糕呢啲簡單嘅款式，因為之前都學過整餅，請吓人哋食，都幾開心吖！因為自己親手整，見住收到嘅人好驚喜，好多人都睇唔出我識整呢啲！」

紙黏土．起舞

問到三子追女友的難忘經歷時，Gordon自言並非心思縝密，更自爆不懂製造大驚喜：「冇乜好難忘嘅事呀，我試過親手整禮物！以前嘅女朋友都覺得心思好緊要，我之前試過用紙黏土整咗兩個人仔畀佢，下面就係一個舞台，因為我以前係跳舞出身，所以舞台對我嚟講有好大意義，呢次係用咗我最多時間去做嘅一次！」

Lincoln亦曾畫畫示愛：「都花咗好長時間，落每一筆都要好有心思，搞咗個幾月都未搞掂，因為真係想做到最好，再加其他小禮物，最後都成功追到個女仔！」而Tyrese追女仔所花的精力亦不比兩人差：「試過砌成一千塊Puzzle，一個人完成真係幾難，而且佢唔係簡單嘅圖案，不過完成時真係好開心！」

談到昔日的DIY，Gordon即表示亦很珍惜粉絲送的禮物：「其實我哋都一樣，覺得物輕情義重，會鍾意女朋友送親手整嘅小手作，有時啲Fans親自整禮物畀我哋，我哋都會好開心，好珍惜！」

「籃」朋友．女朋友

雖然三子坦認單身，但Gordon自爆有新歡：「我最近結交咗個『新女友』，就係籃球，日日都打籃球，想出汗又想Keep Fit，一星期會打4至5日籃球，有時會玩吓3人籃球，好自然我哋3個就一隊！另外我哋都喜歡一齊睇戲。」

在整Cupcake的過程當中，可見三子的深厚感情，大家互相搞亂對方的Cupcake又互餵食物，兄弟情盡在不言中！

自選多Sing道

Gordon：「我會揀《登陸太陽》，因為冇呢首歌就冇天堂鳥！雖然首歌成為熱話，畀人笑，但都因為咁令好多人認識我哋，可以令我哋由畀人笑到真係表演嗰陣得到好多掌聲。」

Tyrese：「我會揀《What You Want》，因為第1首歌去到第2首歌，可以話係我哋最艱難嘅時間，而呢首歌係令公眾對天堂鳥嘅固有睇法180度改變，覺得原來我哋唔係好似第一個MV嗰陣，畀外界笑大家口中嘅形象，呢首歌係一個好重要嘅轉捩點！呢隻MV係我做男主角，花咗好多工夫準備，去訓練自己，令我好深刻！」

Lincoln：「第3首《Hey!A》係令大家開始認同我！因為第1同第2首歌，大家覺得我跳舞可能同佢哋兩個有啲格格不入，到第3首一出就覺得我進步好多，開始畀人覺得我哋步伐一致，真係似番個團體！」