影帝周潤發、張家輝、影后劉嘉玲及余文樂昨晚出席電影《賭城風雲II》首映，問到對新片期望，發哥說：「希望導演王晶個肚愈來愈大，佢依家（肥到）襪都着唔到！」提到與發哥在戲中咀足三啖，嘉玲笑言三啖都有不同意思，至於下次會否拍床戲？發哥則笑言要問准梁朝偉。而家輝自爆嘉玲已承諾加入他執導的新片，發哥即笑家輝是「高層淫魔」：「一睇就知你係高層淫魔，嘉玲你要小心啲呀！」其後又對樂仔說：「你都小心，佢後面都得！」笑爆全場！提到吳君如在《12金鴨》首映中獲老公陳可辛送12卡鑽石，發哥搞笑地叫發嫂出招：「周太做嘢喇！借粒朱義盛頂住先！我哋同人哋唔一樣，我哋做金鵝啦！」

嘉玲翹實樂仔（左）及家輝出場，鋒芒盡現！

嘉玲與發哥全晚有講有笑，狀甚老友！

發哥與發嫂恩愛到場。