謝安琪（Kay）昨日穿透視長裙出席活動，吸引一眾男士手持長鏡狂拍。近日忙於拍無綫劇集《殭》的她明顯瘦了不少，Kay說：「晚晚都拍通頂，尋晚拍到今朝06，瞓咗陣就嚟，錢從來唔易賺。」問到情人節是否準備了禮物送給老公張繼聰？Kay說：「送咗朱古力畀佢，今日佢約咗個仔拍拖、剪頭髮同買衫，過幾日我就同個仔辦年貨。」她透露新年將休息三日：「初一、二會同長輩拜年，初三就喺屋企同朋友玩，初四就要開工，同鄭嘉穎拍劇。」昨晚與鄭嘉穎開工的Kay說：「佢話自己孤身寡佬，同劇好多女演員陪佢一齊過。」

Kay表示情人節已送了朱古力給老公。