校長譚詠麟一連十三場《銀河歲月40載》演唱會昨晚在紅館開鑼，邀得同樣「具分量」的陳奕迅（Eason）擔任嘉賓，人緣好的校長吸引眾多好友撐場，包括狄波拉、鬍鬚Kong和顧紀筠等。每位入場觀眾又可獲贈精美利是封、螢光棒及食肆優惠券。

換上樹紋西裝的譚詠麟，在台上大唱經典金曲。

狄波拉（左起）、鬍鬚Kong和顧紀筠齊來睇騷。

阿倫以一身閃爆白馬王子造型出場獻唱演唱會主題曲，其右手無名指更戴上巨鑽。其後他換上樹紋西裝和銀色褲，一口氣唱畢三首歌後，開腔多謝大家來見證他的銀河歲月：「人生有幾多個十年，何況四次咁多，作為歌手要攞啲家當出嚟（意指巨鑽）。」他又指歌曲是自己的仔女：「人哋話三年抱兩，我十年都兒孫滿堂。」其後他以四季形容自己的音樂歷程，春天是他入行最Green的時候，且大講有味笑話：「即係俗語嘅『青頭仔』，嗰陣見到前輩要打招呼、見到靚女面都紅晒。好多MV導演將自己想嘅嘢套落喺我身上，所以我先成日喺MV度咀嘴，真係人生如苦，不過辛苦都值得嘅，依家睇番都好Sweet。」