祖名的圈中朋友及前輩大多鼓勵他重新出發，「前度」薛凱琪更明言一直都在愛護及關心他！

薛凱琪

黃秋生

關楚耀

肥媽

薛凱琪

未搵佢，佢啱啱出嚟，依家最緊要係屋企人，作為好朋友應該畀佢同家人聚吓先。我會留意祖名開記者會，都有睇佢重獲自由嘅新聞，想叫佢嚟支持（電影首映），因為有好多佢嘅Friend演出。唔講咁多，總之要我講一千次，我都係好愛護同關心祖名！

柯震東

聽到他出來很替他開心，快過年了，希望他跟家人過個好年，多陪他們，新的一年，我們都一定會努力變得更好！

黃秋生

依家件事已經解決，係時候重新開始，我識嘅祖名係得，只係一時錯失同迷惘啫！（過番兩招畀佢開記者會？）唔使，佢對答得體，佢媽媽亦教得好。（你喺Facebook寫：話個仔王八蛋即係自己都係？）提醒自己啫，冇講成龍。

關楚耀

知道佢聽日開記者會，想叫佢加油，要相信身邊親友，好明白佢心情，呢段時間好艱難但要堅持，用行動證明畀大家知道會改過！

肥媽

佢能夠積極面對錯失係勇於承擔，唔覺得佢會定居台灣，佢爸爸已經行咗條好難行嘅路，佢有咗個底喺度，最緊要佢徹底知道錯。