對於何家駒的內地戶口遭人提款，與他稔熟的藝員袁潔儀表示也是從報道得悉，她昨日透過電話表示，對方生前的經濟狀況不錯：「知道佢有收入，但詳細唔知，聽經理人講佢喺內地一年接五、六十場騷，駒哥都有介紹我做。」她認為作為外人不應插手其錢銀轇轕：「人都走咗，錢銀就算啦！如果佢家人想追究，就再搵途徑，都係睇佢家人意願。」她相信知道戶口密碼的人，應該與駒哥關係密切。另外，她表示不知對方有女友：「冇見過佢女友，一直以為佢係單身，上年年初見面都冇帶女友出嚟。」

袁潔儀不知道何家駒生前有親密女友。