女星黃榕（Gloria）向來以性感形象示人，因此保持美好身段是必須的。擁有跳舞底子的她自去年五月開始學鋼管舞，現時身形比以前更Fit，她說：「依家條腰好明顯Slim咗，人魚線出晒嚟，仲有肌肉添！」舞蹈班每周上一堂，即使工作多繁忙，Gloria也非常勤力，無論如何也會抽一天到舞蹈學院練習，現在已學會多個高難度動作：「以前柔軟度都高，做一字馬完全冇難度，依家更加感覺到柔軟度增強咗，做到好多S形、性感嘅甫士。」

即使工作忙碌，黃榕也會抽時間到舞蹈學院練習。

黃榕做出多個高難度動作，令人嘆為觀止！

向來愛以性感形象示人的黃榕，原來平日靠練鋼管舞Keep Fit。

短短八個月已晉升為中級班，她表示每次學新動作也極具挑戰性：「不過最開心都係跳咗鋼管舞之後，多咗好多女仔讚，以前一向都係男粉絲多，依家有女仔欣賞，真係好開心！」至於訓練期間的難忘經歷，Gloria透露有次不慎弄斷Gel甲：「以前整Gel甲整到好長，有次唔小心反咗甲，搞到唔敢整咁長同花巧，依家做番嗰個動作都有陰影！」