鄭嘉穎及林子善前晚於石硤尾為無綫新劇《殭》拍攝外景，他倆以筷子「格鬥」，互推雞頭給對方，期間雞頭更飛出三呎以外，令嘉穎忍俊不禁。早前被《好報》拍得攬女的嘉穎被問到拍動作戲及親熱戲會否向女友備案？他自爆女方已速撇：「唔好再嚇走喇！你哋唔好理咁多啦！同佢已經冇咩空間可言！我好尊重對方意願，可能佢需要搵個圈外人啦！（可惜？）只怪Timing唔啱！」對於「阿妹」唐詩詠被洪永城力追，身為「阿哥」的子善說：「佢開心就得，如果真係確實，洪永城就要對我個妹好啲，因為佢畀人傷害過，如果唔係就打洪永城Pat Pat！（之前幫過馬國明牽紅線？）馬明怕醜仔，冇鬼用！算啦！」

鄭嘉穎（左）與林子善以筷子「格鬥」，篤到雞頭飛起！