女星孫佳君最近與法國大廚男友Olivier慶祝拍拖五個月，甜蜜得不禁在微信朋友圈晒愛，Olivier秘密在女友房中以蠟燭砌成「I LOVE YOU SUN」予佳人，之後更啜爆愛人佳君！佳君受訪時說：「我哋拍咗拖五個月，佢話送禮物畀我，我初頭都唔知佢送咩，點知一入到房就見到呢個蠟燭陣，我數過喇，用咗150個座砌成，真係好有心思！」比起請食飯及送名貴禮物，佳君更欣賞男友砌蠟燭宣言！她很期待情人節：「佢間米芝蓮餐廳嗰日應該會好忙，所以要等佢收工先可以一齊過，但點慶祝就冇傾。其實佢好擅長炮製驚喜，令到我日日都覺得好似情人節咁，所以我都唔想知住，咁可以留番啲情趣！」

Olivier特別為女友孫佳君炮製驚喜，更一親面珠晒幸福。

孫佳君有個浪漫嘅大廚男友砌蠟燭示愛，冧死人咩！