姚子羚昨日落區「獻吻」宣傳無綫新劇，透露一早認識好姊妹胡杏兒的男友Philip Lee，讚對方懂得照顧別人，但並非自己杯茶而「讓路」。看來Philip攻陷杏兒芳心，也順利闖過姊妹關！

姚子羚自爆一早認識Philip，笑言唔啱自己而成全杏兒！

一班《四》劇演員落區宣傳，吸引不少途人圍觀。

Philip、胡杏兒

陳凱琳與鄭嘉穎合作獲益良多，學識講對白的節奏。

劇集《四個女仔三個BAR》演員黃智賢、陳凱琳、姚子羚、劉佩玥與陳瀅等昨日現身尖沙咀「獻吻」派禮物谷劇，吸引不少途人圍觀及狂影。姚子羚表示雖人多擠迫但未有「蝕底」：「係對高踭鞋論盡啲，下次着波鞋跑快啲。」提到好姊妹胡杏兒與Philip Lee拍拖，姚子羚指一早認識男方：「事前知啲唔知啲啦！好姊妹唔問喇！同Philip都認識嘅。（筍盤走寶？）我唔係鍾意呢啲類型，佢喺外國返嚟，好識照顧人，當佢哥哥咁。」

陳凱琳獲視帝教戲

而主角之一的陳凱琳則表示有保安護駕，感覺安全冇閃失。提到另一新劇《殭》與「視帝」鄭嘉穎合作，她說：「我好欣賞佢，佢好有Guts，如果見到劇本有啲唔通順會提出意見，佢都有教我做古裝講嘢要有節奏同淡定啲，有朝通頂仲請全廠人食早餐添！」

黃智賢結局請食飯

至於黃智賢則覺得劇集口碑比收視重要，指觀眾喜歡劇集已感滿足，打算大結局時請其他演員食飯慶祝。另外，曾擔任「世界妹」的孫慧雪於《四》劇中飾演張繼聰的港女女友，經常向男友逼婚、買樓，見男友有公務員唔做去做律師即分手，原以為網民會睇到眼火爆，豈料卻反讚她的演技及靚女，是揀女友的不二之選。