何慕詩計劃開狗仔Café

前亞視女藝員何慕詩與師兄白健恩十分老友，同為愛狗之人的他倆經常交流狗經，她說：「如果有養狗都知，狗狗好期待主人返家，一見到主人踏入屋就會好開心，不停扭抱同錫你，就算工作做得幾累，又或者幾大壓力，成個人精神晒！」她透露計劃與白健恩開設狗狗Café：「我之前都有同小白做慈善活動幫幫狗狗，知小白都希望開間狗狗Café，我哋都考慮過地舖太貴怕負擔唔起，會選擇樓上舖。如果大家搵到地方、時間又夾得啱，可以一齊開間狗狗Café就梗好。」早前金牌馴狗師Cesar Milan來港出席活動，有幸成為活動司儀的她很是興奮：「鍾意狗嘅人冇理由唔識佢，我好似變咗小粉絲，係機會難得，之後我都有同佢合照！」她又呼籲大家支持領養：「唔好選擇再買狗，否則只會助長不法商人不斷繁殖，會害咗佢哋！依家喺街多咗好多流浪狗，唔好再買狗狗，否則只會令佢哋受苦，係惡性循環！」