早前加盟新唱片公司的葉文輝（啤梨）近年事業發展順利，一直做DJ的他最近除出新碟外，亦忙於打理公司生意，問到會否減少放在音樂上的時間？他說：「唔會呀！就算幾忙都好，我都會盡量從中抽時間出嚟專注搞音樂，之前喺舊公司時好少唱現場，所以依家希望可以有多啲唱Live嘅機會。」現年40歲的他與女友感情穩定，問到有否結婚打算？他說：「依家正值事業衝刺階段，所以暫時都未諗住結婚！」對於近年不少藝人喜歡在公開場合求婚，他笑說：「我應該唔會啦！求婚始終係兩個人嘅事，都係收埋做好啲。」本身是肥仔一名的啤梨又指會積極瘦身，希望以最好一面示人。

正積極發展事業的葉文輝暫未打算結婚。