身兼模特兒及時裝設計師的簡幗儀擅長設計夢幻嫁衣，但對婚姻充滿憧憬的她笑言暫未打算結婚。外形Sweet到漏的她，樣子及設計均洋溢着公主風，現實中的她卻不是公主：「呢個年紀其實捱吓OK嘅！」　

作為夢幻嫁衣的設計師，簡幗儀卻選擇自力更生不做公主！

雖然對婚姻充滿憧憬，但簡幗儀暫未有結婚計劃。

主攻婚紗晚裝的模特兒兼時裝設計師簡幗儀（Lilian Kan），不時為薛凱琪（Fiona）等女神設計晚裝，並為待嫁新娘設計婚紗！

自食其力

樣子甜美的Lilian經常被指似Fiona，她表示對婚姻充滿憧憬：「我覺得婚姻係一樣好美好嘅嘢！Daddy媽咪喺我成長中畀咗好多愛我，我又好鍾意小朋友，如果係可以互相扶持互相進步，呢一個感覺係好窩心！」

問到「嫁」期，Lilian甜笑說：「我本身都想結婚嘅，不過暫時未有打算！」

Lilian的設計風格夢幻，穿上其自家品牌的服裝恍如化身公主，惟現實中的她卻絕非公主：「我係一個好樂觀嘅人，但係屋企人對我嘅要求好高，我唔係由細到大被人就嘅公主，好多嘢要自己去做，我都好多謝Daddy媽咪咁樣訓練我！」

撈埋童裝

年紀尚輕的她又表示不介意捱苦，誓要創一番事業：「我喺做生意上面有好多嘢要學習，呢個年紀其實捱吓OK嘅！」兩年前成立個人品牌的她稍後將推出童裝系列，希望將品牌由婚紗晚裝擴展至生活範疇，可謂美貌與智慧並重！

服裝及場地：KanaLili