黃翠如與蕭正楠（Edwin）可謂「戲假情真」，有指二人拍攝劇集《師奶Madam》時已撻着，翠如更被指是「小三」介入Edwin與前度何傲芝的戀情，但她作出否認：「拍劇嗰陣大家都自閉，真正有熟絡感覺要去到套劇嘅煞科宴，先真正有機會坐低傾偈，不過煞科之後幾日我就同洪永城飛咗去拍《走過足球聖地》，時間上唔需要去解釋。去咗拍《走》突然間好多我哋嘅新聞出現，大家多咗溝通都係因為呢啲新聞，其實真係要多謝報道，大家溝通多咗就慢慢開始加深了解。開始初期都多困難，我哋慢慢去建立感情，總算捱過咗。」

黃翠如與Edwin互相欣賞對方思想簡單直接。

翠如與Edwin互相欣賞對方思想簡單直接，她笑說：「我覺得佢最欣賞我夠蠢，佢要搵到一個蠢過佢嘅人唔係咁容易。我哋兩個性格好似，都係簡單嘅人。」二人愛得公開，她說：「我哋冇共識，只係大家都唔聰明，亦唔鍾意講大話，所以就用最舒服嘅方法去回應。」