情人節快將來臨，已單身5年的陳鈺芸雖然繼續孤獨過節，但事業為重的她並不心急，希望在35歲前結婚，更視「宇宙最強」甄子丹為好老公典範！她又透露大學時曾與男友共進燭光晚餐，度過難忘的情人節。

甄子丹錫老婆又重視家庭，是JuJu的擇偶「人辦」。

JuJu現時以事業為重，但期望在35歲前成家立室。

甄子丹（左）、汪詩詩（右）

動作女星陳鈺芸（JuJu）看似剛強，但內心固然渴望戀愛：「想快啲搵個好伴侶，想搵個好老公同生小朋友，然後每個小朋友學一種武功。」問到有何擇偶條件？要求高的她即列出三大條件：識武功、入得廚房、有音樂才華！她又視符合以上條件的甄子丹為好老公典範：「難得見到一對情人咁Sweet，仔女又聽話，係模範家庭！（有齊呢啲條件嘅男人比較難搵？）所以佢係『宇宙最強』！」

渴望35歲前達標

JuJu雖然渴望結婚，但強調今年事業為重：「隨緣啦！冇得逼，緣分到都擋唔住，會唔會閃婚？如果有個人勁到可以令我放棄晒所有嘢去結婚，咁佢一定好掂！」她明言希望35歲前可成家立室。

談到難忘的情人節，JuJu甜絲絲地憶述大學時與初戀男友共進燭光晚餐：「嗰陣我哋住宿舍，第二日要返學，冇得出去食飯。我男友就喺宿舍廚房親自下廚煮意粉，又擺咗啲蠟燭，好Sweet！」

收花保存愛意

問到收過最難忘的禮物是甚麼？她自言喜愛收較實際的用品：「有男友送過銀包，一年365日都可以用。」至於是否愛收花？自認男仔頭的她說：「拍拖點都要收一、兩次花，雖然啲花靚但Keep唔耐，但我初戀男友好鍾意送花，所以我會倒吊啲花做乾花，搵個花樽裝住就可以Keep耐啲。」愛實際的她又說：「大時大節買花又貴，寧願食餐好嘅都好過買花。」