人細膽大的姜麗文參加嘉年華挑戰機動遊戲，大爆父親秦沛細膽淆底，姜家女將巾幗不讓鬚眉！她又預告會帶舊愛鄭俊弘齊齊再戰高難度機動遊戲，再見亦是朋友！

Lesley玩轉嘉年華，盡興而歸。

姜麗文愛玩愛刺激，又點會錯過嘉年華？

冇時停的Lesley瞓身玩攤位遊戲，又扮倒立影相。

姜麗文（Lesley）日前到中環參加嘉年華展開冒險之旅，動靜皆宜的她先挑戰攤位遊戲，為贏取獅子毛公仔更忘形瞓身拋波，最終以技術贏得心頭好兼大晒戰利品。她又展示趣怪一面，在錯覺布置扮跳樓及倒立，玩轉地心吸力！Lesley其後再挑戰嘉年華的高難度機動遊戲，向來愛追求刺激的她透露在外國已玩過不少機動遊戲，從不怯場：「我鍾意玩機動遊戲，完全唔會淆底，反而姜家嘅男人冇我哋咁大膽，我同媽咪都大膽啲！」

秘戀韓星得啖笑

她又透露曾與男友到主題樂園拍拖，提到最近傳與韓國組合2PM成員Jun. K秘戀，她否認緋聞，笑言高攀不起：「其實同其他成員仲熟，我都唔明點解會有呢段新聞。（有機會發展？）完全唔同Level，咪玩啦！人哋K-Pop巨星嚟，咪諗多咗。」問到是否擔心被粉絲責罵？她說：「唔係，我都係佢粉絲嚟，因為韓國規矩嚴啲，唔方便講太多，總之我好欣賞佢嘅唱功。」

再見亦是朋友

她又自爆現時是單身一族，對於舊愛鄭俊弘（Fred）最近與吳若希傳緋聞，她說：「大家仲有聯絡，佢係我Best Friend。」她又明言會帶Fred再戰嘉年華：「佢都鍾意玩機動遊戲，男人係要咁大膽！」

場地：AIA友邦歐陸嘉年華