影壇新人曾詠欣及江宏基日前在九龍灣宣傳新片,以歌手身份出道的詠欣自爆獻出「第一次」演出索爆女鬼:「我喺套戲生前做援交少女,會畀郭偉亮追殺!(性感示人?)少少啦!仲要化白面妝入雪櫃!(要到殯儀館拍?)唔使,主力喺街市同後巷!」

曾詠欣在新片中扮鬼狂嚇江宏基,現實中的她亦以嚇人為樂。

問到是否驚鬼?詠欣笑言最愛以嚇人為樂:「我不嬲對鬼片係又要驚又要睇,不過今次就唔驚,因為到我周圍嚇人!」而江宏基則大爆被對方「嚇餐飽」:「我客串做謝婷婷嘅朋友,會畀詠欣嚇餐飽,好彩我本身算大膽!」他表示近日獲邀參演電台劇集,平日則透過教舞及擔任模特兒增值!